Encara aqueles fumses del diable !

Le 04/01/2022 0

Dans Armand del Fabre

M’arribava sovent lo jòu d’anar portar lo corrièr als Avens. Parguel, lo porteur, me balhava 40 sòus per anar far aquela virada. Ieu èri plan content de trapar (1) los 40 sòus per mon porta-moneda, e encara mai d’anar passar la jornada encò de la vièlha Madama Fages. Aquela brava femma me gastava tant que podia e ieu de mon costat li estauviavi (2) las cambas e li rendiai totas sortas de pichons servicis. Fa que nos endeveniam (3) plan. E mai lo dimenge, e la sortida de la messa, me fisava a far sas comissions e me sonava (4) pas que son « comisionari ».

Aquel còp, per anar als Avens, trauquèri tot drech per una acorcha (5) que passava als ras de la Fònt de Polita. Los fumses montèron del costat de Carnac e lèu pleguèron tot dins lor cotonada. E ieu de far a mon torn coma la femna de Caussinhac, de virar en rond coma un bassiù caluc. E totjorn tornavi trobar la Fònt de Polita.

Urosament avia Flambèl amb ieu. Amb una ficèla que trobèri dins la pòcha, l’estaquèri per colar e me fisèri a el : « Anom, cèrca Flambèl, sabes ben ont anam ! ». Pardi, se o sabia ! M’i menèt cap-drech, sens balançar (6). Dinèrem, e m’excusèri de pas m’atardivar per dintrar. En tornant, plan prudentament seguièri lo camin sens lo quitar d’un pas.

Una lèbre, cap-leugièra, traversèt lo camin un pauc al nòstre davant. Lo Flambèl li faguèt un pauc d’acomanhament en musica, mas renoncièt lèu a son entrepresa quand vejèt lo piètre caçaire qu’avia a far amb el.

« E ben, mas, dintras ben leù, remarquèt mon paire. Te sias picat ambe madama Fages ? »
« Non pas cèrtas, ma coma li avia de fumses, m’a fach partir pus lèu e m’a dich de plan sègre lo camin. »
« E en i anant l’as plan segut lo tieu camin ? »
« Pardi ! Pensi ben ! »

Consi far, per aquel còp me calia ben mentir, per pas riscar de comprometre aquelas sortidas dont gardi encara un remembre (7) deliciòs. Un pauc pus tard, lo paire me dis :

« Sabes pas mentir, paure Armand. Es lo canh que t’a sortit d’enganas. Mas tu, as ajut paur, e compreni que la leiçon es estada bona. Es per aquo que te cridi pas mai. »
« Mas ? »
« Mas consi o vèsi ? E aquel tròç de ficèla aqui, que demòra al colar del canh ? Parla tota sola, pichon. »

Lo paire e lo canh èron ben totes dos, cadun a sa manièra, dos fins liamièrs (8), dignes un de l’autre. Laissavan pas res escapar…

Indicas : (1) trapar : attraper ; (2) li estauviavi : je lui économisais ; (3) plan s’endevenir : bien s’entendre, s’accorder ; (4) sonar : appelar ; (5) una acorcha : un raccourci ; (6) balançar : hésiter ; (7) remembre : souvenir ; (8) liamièr : limier.

Il m’arrivait souvent le jeudi d’aller porter le courrier aux Avens. Parguel, le facteur, me donnait 40 sous pour aller faire cette tournée. J’étais très content de gagner ces 40 sous pour mon porte-monnaie et encore plus d’aller passer la journée avec la vieille Madame Fages. Cette brave femme me gâtait autant qu’elle pouvait et moi de mon côté, je lui économisais ses jambes et lui rendais toutes sortes de petits services. C’est dire que nous nous entendions bien. Et même le dimanche, à la sortie de la messe, elle me faisait faire ses commissions et ne m’appelait plus que son « commissionnaire ».

Une fois, pour aller aux Avens, je pris tout droit par un raccourci qui passait à côté de la fontaine de la Polita. Le brouillard montait de la côte de Carnac et plongeait tout dans le coton. Et moi de faire à mon tour comme la femme de Caussignac, de tourner en rond comme un imbécile. Et je me retrouvais toujours à la source de la Polita.

Heureusement, Flambèl était avec moi. Avec une ficelle que je trouvai dans ma poche, je l’attachais par le cou et me fia à lui : « Allez, cher Flambèl, tu sais bien où on va ! » Pardi, qu’il le savait ! Il m’y conduisit sans hésiter. Nous mangeâmes, et je m’excusai de ne pas m’attarder pour rentrer. Sur le retour, bien prudemment, je suivais le chemin sans le quitter d’un pas.

Un lièvre, inconscient, traversa le chemin un peu devant nous. Le Flambèl l’accompagna un peu en musique, mais renonça à son projet quand il vit le piètre chasseur qu’il avait avec lui.

« Eh bien, tu rentres bien tôt, remarqua mon père. Tu t’es fâché avec Madame Fages ? »
« Bien sûr que non, mais comme il y avait du brouillard, elle m’a fait partir plus tôt et elle m’a dit de bien suivre le chemin. »
« Et pour y aller, tu l’as bien suivi, ton chemin ? »
« Pardi ! Tu penses bien ! »

Ceci dit, pour cette fois je me risquai à mentir, pour ne pas risquer de compromettre ces sorties dont je garde encore un souvenir délicieux. Un peu plus tard, le père me dit :

« Tu ne sais pas mentir, mon pauvre Armand. C’est le chien qui t’a sorti de là. Mais toi, tu as eu peur, et tu as compris la leçon. C’est pour cela que je ne te punirais pas plus ».
« Mais ? »
« Mais comment je l’ai vu ? Et ce bout de ficelle, là, qui est encore autour du cou du chien ? Tu peux causer, petit. »

Le père et le chien étaient bien tous les deux, chacun à sa manière, deux fins limiers, dignes l’un de l’autre. Il ne leur échappait rien …

  • 1 vote. Moyenne 5 sur 5.

Ajouter un commentaire

Anti-spam