Lo singlar

Le 15/01/2022 0

Dans Armand del Fabre

Lo cantonièr, sens tròp de preissa, patinga-patanga, tornava a son trabalh, aqui ont l’avia aventurat la velha...

A la virada granda remarquèt de pessadas totas frescas. Un singlar venia de passar aqui en tornant a sa jaça (1), dins lo bòsc de Rauzas. Aquò derevelhèt Ambròsi que d’un saut èra tornat al vilatge. Se presentèt a la farga per convidar la paire. Aquel qu’aqui tiravam en rè, non pas que l’embeja li manquèssa, ma per crenta de ço que diria la maire.

« Diga-me ont reclamas tas municions del gròs calibre, e compta sus ieu per endormir la Leonia. »

De fach, Ambròsi se presentèt a l’ostal, e coma tot moquet (2), expliquèt a la maire qu’avia abridolat son fusil e que lo Leòn li prestava lo sieu, e mai de cartochas per aquel calibre qu’èra pas lo même que pel sieu fusil. Fa que tornèt sortir ambe tot ço que li calia.

Ma que, a miègjorn, la Leonia cercava son Leòn pertot. Lo fabre s’èra envolat. Una vesina li diguèt tot : lo tieu Leòn l’as a la caça ambe l’Ambròsi de Lapeyre.

En dintrant de l’escòla, nautres trobèrem la mamàn plan corroçada, mas pas tant contra lo papà que contra aquel Ambròsi que l’avia enganada del biais qu’avèm dich.

Pareis que vèrs las quinze oras nòstres dos caçaires dintrèron al vilatge en portant fièrament lor singlar penchat a una pèrga. La bèstia èra mai que brava. Lo paire la despecèt e cada familha ajèt son crane talhon per la tastar. Lo savatièr faguèt un abona provision de sedas per las ponchas del linhòl (3).

Lo Lapeyre, pardi, escapèt pas una bon saplonada (4). Baissèt las espallas et laissèt ploure, lo temps que calia. Tot compte fach, reconeguèt que l’avia pas panada et que s’esperava pus leù a mai qu’a mens.

Enfin sus las cinc oras, l’auratge s’estent espaçat, e lo trabalh acabat, nòstres dos « nemròds », fièrs e galavards (5) se venguèron entaular per copar un croston.

Entre nautres, bon jogaires, reconeissèm que l’avian pas panat non plus.

Indicas : (1) jaça, jaç : le gite ; (2) tot moquet : tout penaud ; (3) linhòl : le ligneul, fils de lin enduit de poix pour la couture des chaussures ; (4) saplonada : au figuré « un bon savon » ; (5) galavard : en verve.

Le sanglier

Le cantonnier, sans trop se presser, cahin-caha, retourna à son travail, après ses aventures de la veille …

Vers le grand virage, il avait remarqué des passages tout frais. Un sanglier venait de passer en retournant à sa bauge, dans le bois de Rauzas. Après cette découverte, Ambroise retourna rapidement au village. Il se présenta à la forge pour aller chercher le père. Celui-ci déclina l’invitation, non pas que l’envie lui manquait, mais par crainte de ce que dirait la mère.

« Dis-moi où aller prendre tes munitions de gros calibre, et compte sur moi pour endormir la Léonie. »

Sur ce, Ambroise se présenta à la maison, et semblant tout penaud, il expliqua à la maire qu’il avait cassé son fusil et que le Léon lui prêtait le sien, et aussi les cartouches du bon calibre qui n’étaient pas les mêmes que celles de son fusil. Ce qui fait qu’il repartit avec tout ce qu’il fallait.

Mais, à la mi-journée, la Léonie cherchait son Léon partout. Le père s’était envolé. Une voisine lui dit tout : Ton Léon, il est parti à la chasse avec l’Ambroise Lapeyre.

En rentrant de l’école, nous avons trouvé la maman très fâchée, mais pas tant contre le papa que contre l’Ambroise qui l’avait trompée de belle manière.

Et voilà que vers 15 heures, nos deux chasseurs rentrèrent au village en portant fièrement le sanglier sur une perche. La bête était énorme. Le père la découpa et chaque famille eut un beau morceau pour la gouter. Le savetier fit une bonne provision de soies pour les pointes de ses ligneuls.

Le Lapeyre, pardi, n’échappa pas à un bon savon. Il baissa les épaules et laissa pleuvoir le temps qu’il fallait. Tout compte fait, il reconnut qu’il ne l’avait pas volé et il s’y attendait plus ou moins.

Enfin, sur les 5 heures, l’orage s’étant éloigné et le travail terminé, nos deux « nemrods », fiers en en verve, s’attablèrent pour casser la croute.

Entre nous, bons joueurs, nous devions reconnaitre qu’ils ne l’avaient pas volé non plus.

  • Aucune note. Soyez le premier à attribuer une note !

Ajouter un commentaire

Anti-spam